Ronc al vûl dî “teren disboscât par jessi metût a culture", ancje se cumò, in ciertis zonis, al prevâl il significât di “vignâl in culine". Te toponomastiche a son frecuentis ancje lis formis Narònc e Arònc.
Il cognon D’Aronco al pues derivâ, duncje, di Arònc o jessi une scriture no buine di Da Ronc.
Sta di fat che a Glemone, “nît" dai D’Aronco, tal Trêcent e jere une via de Aroncs (Marchetti, 1965). Te stesse citadine il cognon al compâr tant che a Ronco sul principi dal Cinccent: tal 1520 al ven batiât Johannes Joseph filius Johannis a Roncho; tal 1589 al ven batiât Thomas et Laurentius filius Bernardini à Roncho. In cualchi batisim dal cognon Brollo al è ripuartât tant che sorenon: Antonii à Broilo dicti à Ronco; cualchi volte cierts fradis a son ripuartâts cul cognon Brollo e altris cul cognon D’Aronco. Tal Cinccent i D’Aronco a jerin a stâ a Maniae; tal censiment dal 1557 e je la famee di Daniel del Ronco componude di undis personis (Decio Tomat, inf. pers.). D’Aronco si lu cjate ancje a Udin, Osôf e Tumieç; Da Ronco a Udin.
fonts
1608, ai 7 di Lui Serafino de Ronco da Rio in Carnia accusato di uso di carne nei giorni proibiti (ACAU – Inq. pr. 691); 1723, ai 6 di Avrîl Ser Francesco da Roncho giurato della vicinia di borgo Prachiuso (Masutti 1991); 1738 Giorgio e Nicolò q. Gio. Domenico D’Aronco da Gemona (AB); 1857 Nasce a Gemona Raimondo D’Aronco. È ritenuto uno dei più importanti architetti esponenti del Liberty in Italia; 1902, ai 6 di Avrîl Elia d’Aronco da Gemona – inaugurato a Pozzuolo altare Maria Ausiliatrice fatto da lui in stile composito (AB); 1903 viene ordinato sacerdote Mons. Enrico D’Aronco (o Da Ronco) di Pietro e di Elisabetta Kern nato ad Osoppo nel 1880 – dal 1908 capp. di Flambro – dal 1916 pievano di Flambro – dal 1933 Arciprete di S. Giorgio di Nogaro muore nel 1968 nella Casa di Ricovero per Sacerdoti a S. Vito al Tagliamento (AB); 1929 Da Ronco 29 fameis a Glemone (Corgnali).